फागुन १ देखि ३ गतेसम्म विधान सम्मेलन गर्ने माओवादीको निर्णय
पालिका संचारकर्मी २८ पुष २०८०, शनिबार १६:५६
काठमाडौं । नेकपा (माओवादी केन्द्र) ले आगामी फागुनमा विधान सम्मेलन गर्ने भएको छ । आज (शनिबार) पार्टी केन्द्रीय कार्यालय पेरिसडाँडामा बसेको स्थायी कमिटी बैठकले आगामी फागुन १ गतेदेखि ३ गतेसम्म विधान सम्मेलन गर्ने निर्णय गरेको हो ।
आजको बैठकमा विधान अधिवेशनसँगै रिपोर्टिङ, कार्य विभाजन र राष्ट्रिय सभाको निर्वाचनका साथै अन्य विविध विषयमा छलफल भएको सापकोटाले बताए ।
‘फागुनको १, २ र ३ गते विधान सम्मेलन गर्ने निर्णय भयो । त्यसका लागि प्रतिनिधिहरु छान्ने क्राइटएरियाहरु बनेको छ ,’ उनले भने ।
साथै, उनले अर्को स्थायी समिति बैठक माघको २६ गतेका लागि तय भएको बताए ।
