कुन दलबाट को बन्दैछन् मन्त्री ?

काठमाडौं । प्रधानमन्त्री पुष्पकमल दाहाल प्रचण्डले आज सरकारलाई पूर्णता दिँदैछन् । नवनियुक्त मन्त्रीहरुको शपथका लागि शितल निवासमा समेत तयारी भैरहेको छ ।

राष्ट्रपति कार्यालयले दिउँसो ३ बजेका लागि मन्त्रीहरुको सपथ कार्यक्रम तय भएको जनाउँदा प्रधानमन्त्री पुष्पकमल दाहाल प्रचण्डले दलहरुबाट मन्त्रीहरुको सूची पाएका छन् ।

भागबन्डाअनुसार कांग्रेस ८, माओवादीलाई प्रधानमन्त्रीसहित ६, नेकपा एस २, जसपालाई २, जनमतलाई १, लोसपा १, उन्मुक्ति १, आम जनता पार्टी १ र नेसपालाई १ मन्त्रालय परेको छ । तर, कांग्रेसबाट आज ४ र जसपाबाट १ जनामात्रै मन्त्री हुँदैछन् ।

सत्ता साझेदार दलमा अझै ५ मन्त्रालयको भागबण्डा हुन बाँकी रहेको छ ।

कुन दलबाट को बन्दैछन् मन्त्री ?

नेपाली कांग्रेस
पूर्णबहादुर खड्का-उपप्रधान तथा रक्षा मन्त्री
डा। प्रकाश शरण महत-अर्थमन्त्री
रमेश रिजाल-उद्योग वाणिज्य तथा आपूर्ति मन्त्री
सीता गुरुङ-शहरी विकास मन्त्री

नेकपा माओवादी केन्द्र
नारायणकाजी श्रेष्ठ-उपप्रधान तथा गृहमन्त्री
शक्ति बस्नेत-ऊर्जा, जलस्रोत तथा सिँचाइ मन्त्री
रेखा शर्मा-सञ्चार तथा सूचना प्रविधि मन्त्री
सुदन किराती-संस्कृति, पर्यटन तथा नागरिक उड्डयन मन्त्री
अमनलाल मोदी-संघीय मामिला तथा सामान्य प्रशासन मन्त्री

एकीकृत समाजवादी
बेदुराम भुसाल- कृषि तथा पशुपंक्षी विकास मन्त्री
प्रकाश ज्वाला-भौतिक पूर्वाधार तथा यातायात मन्त्री

जसपा
अकोश राई- शिक्षा, विज्ञान तथा प्रविधि मन्त्री

लोसपा
शरद सिंह भण्डारी-श्रम, रोजगार तथा सामाजिक सुरक्षा मन्त्री

नाउपा
रञ्जिता श्रेष्ठ-भूमि व्यवस्था, सहकारी तथा गरिबी निवारण मन्त्री

नेसपा
महिन्द्र राय यादव-महिला, बालबालिका तथा ज्येष्ठ नागरिक मन्त्री

जनमत
अब्दुल खान-खानेपानी तथा सरसफाइ मन्त्री