केवल ३२ रनमा सातौँ विकेट गुमायो नेपालले

काठमाडौँ । एसीसी यू–१९ एसिया कप एकदिवसीय क्रिकेट प्रतियोगिताको भारतविरुद्धको खेलमा मंगलबार नेपालले लगातार आफ्नो सातौँ विकेट गुमाएको छ ।

सातौँ विकेटका रुपमा दीपक बोहरा आउट भएका हुन् । पेभेलियन फर्किनुअघि उनले ११ बलमा सात रन बनाए । उनलाई राज लुम्बानीले सचिन दासद्वारा क्याच गराएका हुन् ।

उनी आउट हुँदा नेपालले १२.५ ओभरमा केवल ३२ रन बनाएको छ । त्यसमध्ये आठ रन अतिरिक्त रुपमा पाएको हो ।