मैत्रीपूर्ण फुटबल खेलमा गोरखबहादुर गणसँग हेटौंडा फुटबल एकेडेमी पराजित

हेटौंडा । मकवानपुरको भीमफेदी गाउँपालिकामा भएको मैत्रीपूर्ण फुटबल खेलमा श्री गोरखबहादुर गणसँग हेटौंडा फुटबल एकेडेमी मकवानपुर नेपालको टिम पराजित भएको छ । भीमफेदी गाउँपालिका वडा नम्बर–१,स्थित नेपाली सेनाको सुपारिटार व्यारेग हेडक्वार्टरको खेलमैदानमा भएको मैत्रीपूर्ण खेलमा गोरखबहादुर गणको टिमसँग हेटौंडा फुटबल एकेडेमी पराजित भएको हो । बुधबार आयोजना गरिएको मैत्रीपूर्ण खेलमा हेटौंडा फुटबल एकेडेमीलाई गोरखबहादुर गणले ३–० गोल अन्तरले पराजित गरेको थियो । गोरखबहादुर गणबाट पहिलो हाफमा २ गोल गरेको थियो । दोस्रो हाफको खेलमा १ गोल गर्दै ३–० गोल अन्तरले गोरखबहादुर गणले जित हासिल गरेको थियो ।

खेल समापन पछि हेटौंडा फुटबल एकेडेमीका संस्थापक अध्यक्ष तथा प्रशिक्षक भीम लामाले गोरख बहादुर गणको टिमलाई मायोको चिनो प्रदान गरेका थिए भने गोरख बहादुर गणको टिमका तथा व्यारेग्का प्रमुख निरन्जन धामीले अध्यक्ष भीम लामालाई सम्झनाको स्वरुप मायोको चिनो प्रदान गरेका थिए । प्रतियोगिता सिक्कीमाका खेलाडी छिरिङ लामाले टिम क्याप्टेनको भूमिका निर्वाह गरेका थिए । उनकै नेतृत्वमा खेलाडीहरुले खेल प्रदर्शनी गरेका थिए । गोरखबहादुर गणको टिमसँग सुमधुर सम्बन्ध कायम गर्न, कला प्रदर्शनी गर्न तथा अनुवका लागि मैत्रीपूर्ण खेल खेलेका थिए । आज बिहीबार हेटौंडा फुटबल हेटौंडा–११,थानाभर्याङस्थित बागमती प्रदेश प्रहरी कार्यालय हेटौंडाको खेल मैदानमा बागमती प्रदेश प्रहरी गणको टिमसँग मैत्रीपूर्ण खेल खेल्ने छन् । फुटबल एकेडेमीको टिम स्थानीयसँग बाहिरी जिल्लामा हुन प्रतियोगितामा सहभागी हुन गरेका छ ।