मकवानपुर सहित देशका विभिन्न स्थानमा ६ जना मृत फेला

काठमाडौँ । देशका विभिन्न स्थानमा कम्तीमा ६ जना मृत अवस्थामा फेला परेको नेपाल प्रहरीले जानकारी दिएको छ ।

नवलपरासी पूर्व, मध्यविन्दु नगरपालिका-८ रानीटार बस्ने ७८ वर्षीय वासुदेव केवट आफ्नै घरमा सोमबार मृत अवस्थामा फेला परेका छन् ।
नवलपरासी पश्चिम, रामग्राम नगरपालिका-८ लोसडामा सरावल गाउँपालिका-२ बस्ने ५८ वर्षीय रघुवीर यादव सोमबार मृत अवस्थामा फेला परेका छन् ।
झापा, शिवसताक्षी नगरपालिका-७ स्थित कन्काई खोलामा हाल नाम, थर, वतन नखुलेका अन्दाजी ३५ वर्षीय पुरुष सोमबार मृत अवस्थामा फेला परेका छन् ।
चितवन, भरतपुर महानगरपालिका-२६ हिरापुरस्थित नारायणी नदीमा हाल नाम, थर, वतन नखुलेका अन्दाजी ३२ वर्षीय पुरुष सोमबार मृत अवस्थामा फेला परेका छन् ।
सिराहा, लहान नगरपालिका-१९ स्थित बलान खोलामा हाल नाम, थर, वतन नखुलेका अन्दाजी ३० वर्षीय पुरुष सोमबार मृत अवस्थामा फेला परेका छन् ।
मकवानपुर, बकैया गाउँपालिका-१० मन्थली केराबारीस्थित बाग्मती खोलाको किनारामा हाल नाम, थर, वतन नखुलेका अन्दाजी ३० वर्षीय पुरुष सोमबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।