गगन थापाद्वारा कांग्रेस केन्द्रीय अनुशासन समिति पुनर्गठन
पालिका संचारकर्मी ३० बैशाख २०८३, बुधबार १६:५५
नेपाली कांग्रेसका सभापति गगन थापाले पार्टीको केन्द्रीय अनुशासन समिति पुनर्गठन गरेका छन्। बुधबार थापाले तारामान गुरुङको नेतृत्वमा समिति पुनर्गठन गरेका हुन्।
पुनर्गठित समितिको सदस्यमा धना खतिवडा, रमेशप्रसाद धमला र बजरंग नेपालीलाई मनोनयन गरिएको छ।
कांग्रेसका कार्यवाहक मुख्य सचिव कृष्णप्रसाद दुलालका अनुसार नेपाली कांग्रेसको विधान, २०१७ (संशोधनसहित) को धारा ३४ को उपधारा (७) बमोजिम केन्द्रीय अनुशासन समिति पुनर्गठन गरिएको हो।
