हेटौंडाको न्यरेनीबाट लागुऔषधसहित तीनजना पक्राउ

मकवानपुर । मकवानपुर प्रहरीले लागूऔषधसहित तीन जनालाई पक्राउ गरेको छ ।

जिल्लाको हेटौंडा उपमहानगरपालिका-१० न्यूरेनीबाट खैरो हिरोइनसहित उनीहरुलाई पक्राउ गरेको हो ।

पक्राउ पर्नेमा स्थानीय ४१ वर्षीय होम बहादुर थापा मगर, २७ वर्षीय अनिल मोक्तान र हेटौंडा-११ थानाभर्याङ बस्ने २५ वर्षीय रोहित राना मगर रहेको जिल्ला प्रहरी कार्यालय मकवानपुरले जनाएको छ ।

उनिहरुको साथबाट ३५० मिलि ग्राम खैरो हिरोइन बरामद गरिएको जिल्ला प्रहरी कार्यालयका प्रहरी प्रवक्ता टेकबहादुर कार्कीले जानकारी दिए ।